/p. 143/ vero maximam, quare, etsi trahere desinat,
anima et vita functa dijudicanda non est.
Alex. – Cur igitur trahendi facultates cessant
aut corruptae sunt? I. C. – Eo modo, quo ladani
bene olendi; solvuntur enim ab aëre partes
quaedam, quae sunt instrumenta formae. Magnetem,
qui trahere desierat, vitiatum – ni
fallor – ab aëris superficie, nam rubigo quaedam
illi adhaerebat, fregerunt scholares nostri
et in eius interioribus partibus, eadem,
quae prius in extimis, extitit vis efficax ad trahendum.
DIALOGUS XXVI.
De magnetis vi attrahendi ferrum
et directione ad polos.
Alex –
Quia magnetis mentionem fecisti,
cogor a te nunc quaerere: quare
magnes attrahit ferrum? I. C. –
Respondet Cardanus: «Magnes vivit;
ferrum eius pabulum est, iccirco
in ferri scobe optime servatur». Alex –
Nugae. Si vivit magnes, cum ferrum affricatum
afficiat ita, ut alterum quoque ferrum ab
eo trahi possit, animam suam in illum transfudisse
manifestum est. Vult enim Cardanus